Derek Chauvin

Derek Michael Chauvin (/ˈʃoʊvən/ SHOH-vən; gebore 19 Maart 1976) is 'n voormalige Amerikaanse polisiebeampte wat skuldig bevind is vir die moord op George Floyd in Minneapolis, Minnesota.

Op 25 Mei 2020 het Chauvin gedurende 'n arrestasie, wat deur drie polisiebeamptes gemaak is, op die nek van George Floyd gekniel vir omtrent nege minute terwyl Floyd vasgeboei was. Floyd se gesig was teen die pad gedruk terwyl hy uitgeroep het "Ek kan nie asemhaal nie". Floyd het daarna gesterf. Chauvin is die volgende dag ontslaan deur die Minneapolis Polisiedepartement. Op 29 Mei is Chauvin gearresteer vir tweedegraadse moord en ander geringer misdade.

Die insident het aanleiding gegee tot verskeie protesoptredes in Minneapolis en regoor die Verenigde State, wat later regoor die wêreld versprei het.

Chauvin is op borgtog vrygelaat op 7 Oktober 2020. Sy moordverhoor het op 8 Maart 2021 in Minnesota se Vierde Geregtelike Streekshof begin en op 20 April is daar tot 'n beslissing gekom. Die jurie het hom skuldig bevind op drie aanklagte van tweedegraadse onopsetlike moord, en tweedegraadse manslag. Ná sy skuldigbevinding is sy borgtog, wat 'n miljoen dollar beloop het, herroep en is hy teruggestuur in polisieaanhouding.